A Scotsman's prayer at end of day

O thou, wha keeps the stars alicht

O thou, wha keeps the stars alicht, an' our souls burnin' wi' a licht aboon that o' the stars, grant that they may shine afore thee as the stars for ever and ever. An' as thou hauds the stars burnin' a' the nicht, whan there's no man to see, so haud thou the licht burnin' in our souls, whan we see neither thee nor it, but are buried in the grave o' sleep an' forgetfu'ness. Be thou by us, even as a mother sits by the bedside o' her ailin' wean a' the lang nicht; only be thou nearer to us, even in our verra souls, an' watch ower the warl' o' dreams that they mak' for themsels. Grant that more an' more thochts o' thy thinkin' may come into our herts day by day, till there shall be at last an open road atween thee an' us, an' thy angels may ascend and descend upon us, so that we may be in thy heaven, e'en while we are upo' thy earth: Amen.

Selah.

George MacDonald, "The Cottage," David Elginbrod, 18.