"O Thou in whase sicht oor deeth is precious, an' no licht maitter; wha through darkness leads to licht, an' through deith to the greater life! — we canna believe that thou wouldst gie us ony guid thing, to tak' the same again; for that would be but bairns' play. We believe that thou taks, that thou may gie again the same thing better nor afore — mair o't and better nor we could ha' received it itherwise; jist as the Lord took himsel' frae the sicht o' them 'at lo'ed him weel, that instead o' bein' veesible afore their een, he micht hide himsel' in their verra herts.
"Come thou, an' abide in us, an' tak' us to bide in thee; an' syne gin we be a' in thee, we canna be that far frae ane anither, though some sud be in haven, an' some upo' earth. Lord help us to do oor wark like thy men an' maidens doon the stair, remin'in' oursel's, 'at them 'at we miss hae only gane up the stair, as gin 'twar to haud things to thy han' i' thy ain presence-chamber, whaur we houp to be called or lang, an' to see thee an' thy Son, wham we lo'e aboon a'; an' in his name we say, Amen!"
Selah.
George MacDonald
No comments:
Post a Comment